ASTUTE 2020 (Cymraeg)

Bydd y tîm o academyddion sydd ymhlith goreuon y byd ac arbenigwyr technegol hynod gymwysedig yn gweithio gyda diwydiant i ymdrin â heriau gweithgynhyrchu er mwyn datblygu nwyddau a gwasanaethau cynaliadwy, gwerth uwch ar gyfer y farchnad fyd-eang.

Mae prosiect ASTUTE 2020 (Technolegau Gweithgynhyrchu Uwch Cynaliadwy), sy’n cefnogi cwmnïau gweithgynhyrchu ledled Cymru, wedi cael ei ariannu’n rhannol gan Gronfa Datblygu Rhanbarthol Ewrop trwy Lywodraeth Cymru a’r Sefydliadau Addysg Uwch cyfranogol.

Dywedodd yr Ysgrifennydd Cabinet, Mark Drakeford:

“Rydw i wrth fy modd bod arian o’r UE yn helpu busnesau Cymru i wella’u cynhyrchiant trwy fanteisio ar yr arbenigedd a geir yn ein sefydliadau academaidd hynod glodwiw a mabwysiadu’r technolegau diweddaraf i gyflawni llwyddiant masnachol a thwf yn ein heconomi.”